Dagur reykskynjarans

HMS og Landssamband slökkviliðs- og sjúkraflutningamanna taka höndum saman þann 1. desember ár hvert og ýta úr vör árlegu forvarnarátaki í tilefni að degi reykskynjarans. Að þessu sinni hefur verið unnið viðtal við Sólrúnu Öldu Waldorff sem brenndist alvarlega þegar eldsvoði kom upp í íbúð í Mávahlíð árið 2019 og deilir hún lífsreynslu sinni með okkur til að efla umræðuna á sviði forvarna.  Þá er í viðtalinu einnig rætt við slökkviliðsmennina sem unnu á vettvangi brunans.

Dagur reykskynjarans

Viðtal við Sólrúnu Öldu

Reykskynjarar

Reykskynjari er eitt af mikilvægasta öryggistæki heimilisins sem hefur bjargað ófáum mannslífum. Um er að ræða ódýr öryggistæki sem eiga að vera á hverju heimili og mælst er til þess að reykskynjarar séu í öllum rýmum og herbergjum heimila. Skerandi vælið í þeim getur bjargað mannslífum. Marga eldsvoða er hægt að koma í veg fyrir með réttum og rétt staðsettum reykskynjurum. Mikilvægt er að skipta um rafhlöðu einu sinni á ári, en líftími reykskynjara er að hámarki 10 ár og nauðsynlegt að prófa hann fjórum sinnum á ári.

Reykskynjarar ættu að:

  • Vera staðsettir á öllum hæðum heimilisins
  • Vera til staðar í öllum svefnherbergjum heimilisins
  • Vera alls staðar þar sem raftæki eru
  • Vera prófaðir reglulega, helst mánaðarlega (bíííb)
  • Hafa rafhlöður í lagi
  • Vera yngri en tíu ára