The Role of Green Spaces in Res­identi­al Ar­e­as: From Urban Plann­ing to Build­ing Design

Verkefnið fólst í að greina hlutverk og gæði grænna svæða í íbúðarumhverfi, allt frá hverfisskipulagi til byggingarhönnunar, með áherslu á íslenskar aðstæður og samanburð við valin norræn dæmi. Markmiðið var að varpa ljósi á mikilvægi grænna svæða sem ómissandi hluta af heilbrigðu og sjálfbæru búsetuumhverfi, og styðja við framtíðarstarf skipulags- og hönnunaraðila.

Rannsóknin byggði á blandaðri aðferðafræði þar sem eigindleg greining, samanburðartilvik, heimildarýni og greining skipulags- og hönnunargagna voru sameinuð. Skoðuð voru fjögur íslensk þróunarsvæði og fjögur norræn viðmiðunardæmi sem spönnuðu fjölbreyttar aðstæður, svo sem þéttingu byggðar, uppbyggingu við sjávarsíðuna og endurþróun brúnsvæða.

Helstu niðurstöður benda til að gæði grænna svæða ráðist ekki eingöngu af stærð þeirra heldur hvernig þau eru samþætt daglegu lífi íbúa. Þættir eins og aðgengi, tengingar, skjól, loftslagsþægindi og notagildi reyndust lykilatriði, sérstaklega í íslensku loftslagi.

Á grundvelli niðurstaðna var settur fram leiðbeiningarrammi fyrir skipulag og hönnun grænna svæða í íbúðarbyggð á Íslandi, með áherslu á að meðhöndla þau sem grunninnviði í þróun húsnæðis.