Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Kolefnishlutlaus bygging við íslenskar aðstæður

Kolefnishlutlaus bygging við íslenskar aðstæður.pdf

Lokaskýrsla fyrir Ask - mannvirkjarannsóknasjóð

Verkefnið var aðgerð 5.1.7 í Vegvísi um vistvænni mannvirkjagerð

NettóNúll - Kolefnishlutlaus bygging við íslenskar aðstæður.pdf

Leiðbeiningar um hvernig hægt er að þróa og útfæra kolefnishlutlausar byggingar við íslenskar aðstæður

Kolefnishlutlaus bygging við íslenskar aðstæðu

Byggingariðnaðurinn er ábyrgur fyrir meira en 40% af þeirri orku sem notuð er og 30% af losun gróðurhúsalofttegunda í heiminum. Það er því nauðsynlegt að byggingariðnaðurinn dragi úr kolefnislosun með því að hverfa frá hefðbundnum byggingaraðferðum. Það þarf að ýta af stað breytingum innan byggingargeirans og leggja áherslu á orkunýtnar byggingar með lágt kolefnisspor yfir allan líftímann. 

Í Vegvísi að vistvænni mannvirkjagerð 2030, á vegum verkefnisins Byggjum Grænni Framtíð, var gert mat á losun frá íslenskum byggingariðnaði í fyrsta hluta verkefnisins. Þar kom í ljós að losun frá Íslenskum byggingariðnaði var hátt í 360 þúsund tonn CO2 ígilda, stærsti hluti losunarinnar var frá notkun byggingarefna, en einnig var töluverð losun frá orkunotkun á byggingar- og rekstrartíma íslenskra bygginga. 

Ísland þarf eins og aðrar þjóðir að standast alþjóðlegar skuldbindingar í loftslagsmálum með markvissum samdrætti í losun á næstu árum, og byggingariðnaðurinn er þar ekki undanskilinn. Markmið stjórnvalda eru að ná 55% samdrætti í losun frá notkun byggingarefna, a.m.k 7% í losun frá orkunotkun á rekstrartíma og 70% frá orkunotkun á byggingartíma fyrir 2030. 

Að skilgreina kolefnishlutlausa byggingu í íslensku samhengi var ein aðgerð í vegvísinum og þessi vinna var fyrsti hluti í þeirri vinnu.

Sjálfbær stýring jarðefnaflutninga.pdf

Verkefnið fólst í að auka sjálfbærni í jarðefnaflutningum á Íslandi. Hannaður var miðlægur gagnagrunnur sem hélt utan um skráningu jarðefnisflutninga. Þar skráðu verkkaupar, verktakar og/eða hönnuðir allt það jarðefni sem tengdist framkvæmdum viðkomandi aðila, bæði efnisþörf og efnisframboð. Þetta stuðlaði að hagkvæmari skipulagningu verkefna með betri nýtingu jarðefna og þar af leiðandi lækkaði kostnað vegna jarðefnaflutninga, minnkaði kolefnisfótspor jarðefna, stytti vegalengdir þungaflutninga og minnkaði slit og álag á vegakerfi landsins. 

Markmið verkefnisins fólst í því að hanna greinargóðan og skýran gagnagrunn/forrit sem hélt utan um alla jarðefnaflutninga. Notendur gátu séð yfirlit yfir alla sína jarðefnaflutninga þvert á framkvæmdir og á sama tíma séð áætlaðan akstur og kolefnisspor. Þetta miðlæga kerfi hélt utan um þau jarðefni sem voru í umferð og tengdi saman mismunandi aðila innan byggingageirans. Aðilar gátu þá hagrætt sínum verkefnum til að takmarka flutninga á jarðefnum. Forritið sýndi notendum sparnað í akstri og kolefnisspori ef jarðefni var samnýtt á milli framkvæmda.

Bláþráður – umhverfisvæn styrking í steinsteypu

Bláþráður - umhverfisvæn styrking í steinsteypu.pdf

Kynning á Bláþræði - umhverfsvænni styrkingu í steinsteypu

Verkefnið fólst í að gera rannsóknir á hráefnum til framleiðslu á basalttrefjum til notkunar fyrir steypu. Rannsaka þurfti efnisgæði basalts með tilliti til samsetningar, seiglu og vinnanleika og voru rannsóknir gerðar bæði á Íslandi og við Aachen háskóla í Þýskalandi. 

Gert var ráð fyrir að öll bræðsla á basalti gerist með rafmagni en allar basaltverksmiðjur í heiminum að einni frátalinni notast við gas til bræðslu basaltsins. Framleiðsla basalts hér á landi með rafmagni verður því mjög umhverfisvænn ferill og kolefnispor væntanlegra framleiðsluvara mjög lítið. Flest bendir til að staðsetning basalttrefjaverksmiðju á Íslandi sé mjög hagstæð. Dreifikerfi raforku er tiltölulega öflugt og umtalsverð raforka til staðar, aðgangur að hráefni í námum er góð og góð tækniþekking er hér á landi til staðar. Gert er ráð fyrir að tuttugu störf skapist þegar verksmiðjan hefur náð fullum afköstum. Meginmarkmið verkefnisins er að kanna hvort basaltþræðir sem styrking í pólýester geti nýst sem byggingarefni fyrir stangir til styrktar steyptum þversniðum og kæmi þá í stað steypustyrktarstáls. Rannsóknarspurningar: Hver er styrkur og stífni samsetta efnisins almennt (fæst út frá markmiði-1), það er að segja hverjir eru efniseiginleikar efnisins ? Hver er styrkur og stífni stanganna við ýmis álagstilfelli. Þegar þessum markmiðum verður náð og þessum spurningum verður svarað þá verður hægt að meta það hvort basaltþræðir (bláþráður) sem styrking í pólýester geti nýst í gerð stanga í stað steypustyrktarstáls.

Orkunotkun í byggingum - gögn um raunnotkun